Consellería de Facenda e Administración Pública

Pagamento OV Tributaria. Bizum

A Axencia Tributaria de Galicia (Atriga) estableceu unha nova canle de pago a través da plataforma Bizum, aberto tanto aos particulares como a empresas, que permite pagar calquera imposto, taxa ou ingresos xestionados por este organismo desde a Oficina Virtual Tributaria (OVT) da Atriga.

Desta maneira, a Xunta de Galicia, amplía as canles de pago que xa ten dispoñibles co obxectivo de facilitar o cumprimento das obrigacións tributarias á cidadanía, evitando desprazamentos e aforrando tempo nos trámites.

Que débedas tributarias e ingresos de dereitos público pódense pagar por Bizum?

Na OV Tributaria poderase pagar por Bizum as débedas tributarias e os ingresos de dereito público seguintes:

  • Sen certificado/Con certificado (Consulta e pago de débedas - Pago telemático de multas e sancións – Pago de taxas e prezos)
    • 706. Liquidacións telemáticas ou con NRC.
    • 707. Liquidacións notificadas pola Administración.
    • 708. Pagos aprazados ou fraccionados.
    • 710. Providencias de constrinximento cuxa recadación é competencia da Delegación.
    • 717. Autoliquidacións telemáticas ou con NRC.
    • 731. Taxas e prezos e sancións.
    • 739. Taxas e prezos e sanciones vía telemática.
    • 990. Providencia de constrinximento.
    • 991. Ingresos en zona.
  • Autoliquidación presentada con certificado:
    • Modelo 593. Imposto sobre o depósito de residuos en vertedoiros, a incineración e a coincineración de residuos.
    • Modelo 600. Imposto sobre transmisións patrimoniais e actos xurídicos documentados.
    • Modelo 620. Imposto sobre transmisións patrimoniais e actos xurídicos documentados. Transmisión de determinados medios de transporte usados.
    • Modelo 650. Imposto sobre sucesións e doazóns. Autoliquidación-sucesións.
    • Modelo 651. Imposto sobre sucesións e doazóns. Autoliquidación-doazóns.

Como funciona?
  1. Ao realizar o pago dunha liquidación, débeda, taxa, prezo ou sanción na OV Tributaria, introducidos os datos da carta de pago (706, 707, 708, 710, 717, 731 ou 739) ou o número de providencia de constrinximento (990, 991), hai que seleccionar a opción de pago con Tarxeta/Bizum.
    Cando se trate dunha autoliquidación realizada con certificado dixital, seleccionado o tipo de pago telemático, deberá optar polo modo de pago Tarxeta/Bizum.
  2. Na pasarela de pago electrónico da entidade bancaria adxudicataria do contrato para a prestación do servizo, seleccionada a Forma de pago-Bizum, solicitarase o número de teléfono á persoa usuaria quen poderá efectuar o pago se está dada de alta nalgunha das entidades financeiras que ofrecen o servizo de Bizum.
  3. A confirmación do pago por Bizum levará a diferentes pantallas segundo o control de acceso/autenticación (dobre factor) asociado á entidade bancaria do usuario. Algunhas requiren aceptar a transacción mediante a aplicación móbil e outras piden introducir a clave (catro díxitos) que se informou cando se activou o servizo Bizum.
  4. Ao finalizar o pago, xérase un xustificante que se poderá obter na propia sede electrónica de forma inmediata.

Ata que cantidade pódese pagar con Bizum?

As cantidades que se poden pagar con Bizum veñen determinadas polos seguintes límites:

  • 1.500€ por operación
  • 2.500€ por persoa usuaria e día
  • 9.000€ por persoa usuaria e mes.

Cada persoa usuaria pode ter establecido límites adicionais coa súa entidade bancaria.

Existe un importe mínimo para poder pagar con Bizum?

Pódese utilizar este método de pago a condición de que a cantidade para pagar sexa igual ou superior a 1 €.